|
|
 | | ჟურნალისტიკის კლუბმა დევნილ ქალბატონებს დედის დღე მიულოცა
| 
| 3 მარტს საზოგადოება „ბილიკის" ჟურნალისტიკის კლუბმა ვერხვების კოტეჯებში მცხოვრებ დევნილ ქალბატონებს დედის დღე მიულოცა. მათ საჩუქრად მისალოცი ბარათები, გაზეთი „ბილიკი" და დევნილთა საინფორმაციო ბროშურები გადასცეს. დევნილები ძალიან გაახარა მოზარდების სტუმრობამ. ისინი აღნიშნავდნენ, რომ ასეთ დღეებში მცირედი ყურადღებაც დასაფასებელია და გამოჩენილი გულისხმიერებისთვის საზოგადოება „ბილიკს" გულწრფელ მადლობას უხდიდნენ. ვრცლად... |
| | მოხალისეობრივი პროგრამის და ჟურნალისტიკის კლუბის პრეზენტაცია
| 
| 19 თებერვალს სასტუმრო „ვიქტორიაში" საზოგადოება „ბილიკის" მოხალისეობრივი პროგრამის და ჟურნალისტიკის სტუდიის პრეზენტაცია მოეწყო. მოხალისეებს და ჟურნალისტიკის კლუბის წევრებს, რომლებმაც უკვე დაამთავრეს ოთხთვიანი პროგრამა, სერთიფიკატები გადაეცათ. პრეზენტაციის ბოლოს ნაჩვენები იქნა ჟურნალისტიკის სტუდიის მიერ გადაღებული მოკლემეტრაჟიანი ფილმი ბავშვთა უფლებების შესახებ. ვრცლად... |
| | „საქართველოში კონფლიქტის შედეგად დაზარალებული ბავშვების და ოჯახების ფსიქოსოციალური რეაბილიტაცია" პროექტის საზეიმო დახურვა
| 
| 12 თებერვალს სასტუმრო „ვიქტორიაში" საზოგადოება „ბილიკის"ერთ-ერთი პროექტის „საქართველოში კონფლიქტის შედეგად დაზარალებული ბავშვების და ოჯახების ფსიქოსოციალური რეაბილიტაცია" საზეიმო დახურვა მოეწყო. პროექტი ფედერაციასთან „გადავარჩინოთ ბავშვები" (Save the Children) თანაპარტნიორობით და ევროკომისიის გენერალური დირექტორატის ჰუმანიტარული დახმარების ოფისის (ECHO) ფინანსური მხარდაჭერით ხორციელდებოდა. ვრცლად... |
| | „რესურს-ცენტრი გორელი დევნილებისთვის" დაიხურა
| 
| 2 თებერვალს, სასტუმრო „ვიქტორიაში" პროექტის „რესურს-ცენტრი გორელი დევნილების თვის" დახურვის ღონისძიება მოეწყო. პროექტს საზოგადოება „ბილიკი", ფონდ „ღია საზოგადოება საქართველოს" მხარდაჭერით ახორციელებდა. დახურვის ღონისძიებას პროექტის ბენეფიციარები, ადგილობრივი ხელისუფლების და არასამთავრობო სექტორის წარმომადგენლები დაესწრნენ. ღონისძიების დასასრულს რესურს-ცენტრში ჩართულ ყველაზე აქტიურ მოზარდებს საჩუქრად წიგნები გადაეცათ. ვრცლად... |
| | ერთწუთიანი ფილმების ფესტივალი
| 
| საზოგადოება "ბილიკი" იწყებს ერთწუთიანი ფილმების ფესტივალს „სამყარო შენი თვალით," რომლის ფარგლებშიც აცხადებს სცენარების კონკურსს ერთწუთიანი ფილმებისთვის. ვრცლად... |
| | | 
| საზოგადოება „ბილიკი" აცხადებს მოხალისეთა მიღებას შემდეგ განყოფილებებში : - საგანმანათლებლო სტუდია
- ჟურნალისტიკის კლუბი
- სოციალური სამსახური
- ფსიქოლოგიური სამსახური/ტრენინგ-ცენტრი
- საინტეგრაციო პროგრამა - ბავშვთა უფლებათა, სადისკუსიო კლუბები
- რესურს - ცენტრი გორელი დევნილებისთვის
დაინტერესებულმა პირებმა გთხოვთ შეავსოთ სააპლიკაციო ფორმა და წარმოადგინოთ CV/ რეზიუმე. მისამართზე: ქ.გორი, რუსთაველის ქუჩა №19ა. დამატებითი ინფორმაციისთვის დაგვიკავშირდით ტელ.: 8(270) 7-54-10 განაცხადის შემოტანის ბოლო ვადაა 2010 წლის 10 თებერვალი.ვრცლად...  ვრცლად...
|
| | „შიდსი მეგობრობით არ გადადის"
| 
| 1 დეკემბერს, შიდსთან ბრძოლის მსოფლიო დღესთან დაკავშირებით, საზოგადოება „ბილიკმა" და კავშირმა „ნაბიჯი მომავლისკენ" გამართეს ერთობლივი აქცია დევიზით „შიდსი მეგობრობით არ გადადის". აქციის მიზანი შიდსით დაავადებულთა მიმართ სოლიდარობის გამოხატვა და ადამიანებისთვის დაავადების შესახებ მცირე ინფორმაციის მიწოდება იყო. ასევე საზოგადოებისთვის იმის შეხსენება, რომ შიდსი სოციალური კონტაქტით არ ვრცელდება, ინფიცირებულ ადამიანებს კი ჩვენი გვერდში დგომა სჭირდებათ. ჟურნალისტიკის სტუდიის მოზარდებმა გამვლელებს წითელი ლენტები და კავშირის „ნაბიჯი მომავლისკენ" მიერ მოწოდებული საინფორმაციო ბუკლეტები დაურიგეს. ვრცლად... |
| | ბავშვზე ძალადობის წინააღმდეგ ბრძოლის მსოფლიო დღე
| 
| 20 ნოემბერს ბავშვზე ძალადობის წინააღმდეგ ბრძოლის მსოფლიო დღესთან და ბავშვთა უფლებათა კონვენციის 20 წლისთვათან დაკავშირებით, სასტუმრო „ვიქტორიაში" მოეწყო ბავშვთა უფლებების შესახებ მოკლემეტრაჟიანი ფილმის ჩვენება. ფილმი საზოგადოება „ბილიკის" ჟურნალისტიკის სტუდიის მიერ, USAID-ის ფინანსური მხარდაჭერით და Save the Children-თან პარტნიორობით შეიქმნა (პროექტი „ახალი ცხოვრების დასაწყისი"). |
| | 19 ნოემბერს ძალადობის წაინააღმდეგ ბრძოლის მსოფლიო დღე
| 
| 19 ნოემბერს ძალადობის წაინააღმდეგ ბრძოლის მსოფლიო დღესთნ დაკავშირებით საზოგადოება „ბილიკში" დისკუსია მოეწყო. ბავშვთა კლუბების წევრებმა ძალადობის ფორმებზე, მისი წარმოშობის მიზეზებზე და აღმოფხვრის გზებზე ისაუბრეს.გაიმართა ძალადობის თემაზე შექმნილი მხატვრული ნამუშევრების გამოფენაც. |
| | საგრანტო კონკურსი
|
| საზოგადოება „ბილიკი'' გასცემს 250 ამერიკულ დოლარს პროექტებისათვის, რომლებსაც მოამზადებენ და განახორციელებენ მოსწავლეები შემდეგ სფეროში; ვრცლად... |
| | საზოგადოება „ბილიკი" აცხადებს მოხალისეთა მიღებას შემდეგ განყოფილებებში
|
| საგანმანათლებლო სტუდია ჟურნალისტიკის კლუბი სოციალური სამსახური ფსიქოლოგიური სამსახური/ტრენინგ-ცენტრი ბავშვთა უფლებათა კლუბი, სადისკუსიო კლუბი რესურს - ცენტრი დევნილი მოზარდებისთვის
დაინტერესებულმა პირებმა გთხოვთ შეავსოთ სააპლიკაციო ფორმა და წარმოადგინოთ CV/ რეზიუმე. მისამართზე: ქ.გორი, რუსთაველის ქუჩა №19ა.
დამატებითი ინფორმაციისთვის დაგვიკავშირდით ტელ.: 8(270) 7-54-10
განაცხადის შემოტანის ბოლო ვადაა 2009 წლის 15 სექტემბერი
|
| | კიდევ ერთი მოხალისეობის პროგრამა დასრულდა
| 
| 17 ივლისს სასტუმრო ვიქტორიაში საზოგადოება „ბილიკის" აღმასრულებელმა დირექტორმა მოხალისეებს მიღწევის სერტიფიკატები გადასცა. თორმეტმა ახალგაზრდამ ორგანიზაციის სხვადასხვა სამსახურში მარტიდან ივნისის ჩათვლით ოთხთვიანი პროგრამა გაიარა და შესაბამისი გამოცდილებაც მიიღო. |
| | კონფერენცია პარტნიორი სკოლის მშობლებისთვის
| 
| 16-17 ივლისს საზოგადოება „ბილიკმა" პროექტის „ბავშვი და მომავალი ცხოვრება" (OSI-ZUG) ფარგლებში კონფერენცია გამართა, რომელსაც ოთხი პარტნიორი სკოლის - II, IV, V და VI საჯარო სკოლების 15 მშობელი ესწრებოდა. კონფერენცია ორგანიზაციის გამოცდილების გაზიარების და მშობელთა კლუბების სამომავლო საქმიანობის დაგეგმვის მიზნით მოეწყო. სექტემბრიდან აღნისნულ სკოლებში მშობელთა კლუბები იფუნქციონირებს, რომლებიც სკოლისთვის სასარგებლო აქტივობებს განახორციელებენ. |
| | ტრენინგები მოკლემეტრაჟიანი ფილმის ავტორთათვის
| 
| საზოგადოება ,,ბილიკმა" დაიწყო მოკლემეტრაჟიანი ფილმის გადაღება ბავშვთა უფლებების შესახებ სახელწოდებით ,,ეს ჩემი უფლებაა". გადაღებას წინ უძღვოდა სცენარების შესარჩევი კონკურსი, რომელშის მონაწილეობას იღებდნენ 13-დან 18 წლამდე ბავშვები. საბოლოოდ შეირჩა 6 ჯგუფი და 10 სცენარი. თითოეული სცენარი წარმოადგენს ერთ მუხლს ბავშვთა უფლებათა კონვენციიდან. შერჩეულ ბავშვებს ჩაუტარდათ 5 დღიანი ტრენინგი სასტუმრო ,,ვიქტორიაში". 10, 11 ივლისი ბავშვთა კონვენციის გაცნობას, მათ უფლებებსა და მოვალეობებს დათმო, ხოლო მომდევნო 3 დღე - კინოს ისტორიას, კლასიკოს რეჟისორებს, რეჟისორული სცენარის წერის უნარ-ჩვევებსა და გადაღების ტექნოლოგიებს. ამის შემდეგ ჩამოყალიბდა გადამღები ჯგუფი. ფილმის გადაღებები კი 24 ივლისიდან დაიწყება. |
| | | 
| ყოველწლიურად საზოგადოება „ბილიკი" ბავშვთა დაცვის დღეს კვირეულით აღნიშნავს. კვირის განმავლობაში დღის ცენტრების აღსაზრდელები სხვადასხვა აქციებში იღებენ მონაწილეობას, მართავენ არაერთ ღონისძიებას, ხვდებიან ცნობილ ადამიანებს. ეს უკვე ტრადიციად იქცა და გამონაკლისი არც 2009 წელი ყოფილა. |
| | ერთწუთიანი ფილმების პრეზენტაცია
| 
| 2009 წლის 3 ივნისს სასტუმრო „ვიქტორიაში" საზოგადოება „ბილიკის" დასკვნითი კვირეულის ფარგლებში ერთწუთიანი ფილმების პრეზენტაცია მოეწყო. ნაჩვენები იქნა 6 ერთწუთიანი ფილმი, რომლებიც მოზარდებმა ფესტივალის „სამყარო შენი თვალით" ფარგლებში გადაიღეს. ექვსივე ფილმმა სტუმართა უდიდესი მოწონება დაიმსახურა. 6 სხვადასხვა პროფესიის ადამიანისგან შემდგარმა ჟიურიმ კი გამარჯვებულები ოთხ ნომინაციაში გამოავლინა, რომლებიც ფასიანი საჩუქრებით დაჯილდოვდნენ. სამახსოვრო პრიზები გადაეცათ სცენარის ავტორებს და ფილმის მსახიობებსაც. ერთწუთიანი ფილმების ფესტივალი „სამყარო შენი თვალით" საზეიმო ვითარებაში, ტორტის გაჭრით დასრულდა. |
| | ტრენინგ-კურსი ბავშვათა კლუბების ხელმძღვანელებისთვის
| 
| საზოგადოება „ბილიკმა" მიმდინარე წლის 19-დან 22 მაისამდე დაბა ბაკურიანში გასვლითი ტრენინგ-კურსი ჩაატარა. მასში ბავშვთა კლუბების ახლანდელმა და მომავალმა ხელმძღვანელებმა მიიღეს მონაწილეობა. გასვლითი ტრენინგის მიზანი გასული წლის შეჯამება და სამომავლო მუშაობის დაგეგმვა იყო. ახალგაზრდებმა ერთმანეთს გაუზიარეს გამოცდილება, იდეები, დასახეს ახალი მიზნები და მათი მიღწევის გზები. |
| | ტრენინგები პარტნიორი სკოლის მშობლებისთვის საზოგადოება „ბილიკში"
| 
| საზოგადოება „ბილიკი" 2008 წლის ნოემბრიდან ახორციელებს პროექტს „ბავშვი და მომავალი ცხოვრება" - ღია საზოგადოების ფინანსური მხარდაჭერით. პროექტის მიზანია დღის ცენტრის „ბილიკის" ბაზაზე გაუმჯობესდეს გორის 6-16 წლამდე რისკის და ქუჩის ბავშვების ფორმალური და არაფორმალური განათლება, პროფესიული უნარები, შემეცნებითი, ემოციური და ფსიქოლოგიური, სოციალური მდგომარეობა. |
| | „ბავშვისადმი კეთილგანწყობილი გარემო"
| 
| 30 აპრილს, სასტუმრო „ვიქტორიაში" საზოგადოება „ბილიკის" ერთ-ერთი პროექტის „ფსიქო - სოციალური მხარდაჭერა კონფლიქტის შედეგად დაზარალებული ბავშვებისათვის " (Save the Children / ECHO ) საზეიმო დახურვა მოეწყო. ღონისძიებას ფედერაცია „გადავარჩინოთ ბავშვების" წარმომადგენლებიც დაესწრნენ. |
| | გასვლითი რეკრეაციული აქტივობა ბაკურიანში
| 
| საზოგადოება „ბილიკმა" პროექტის „ფსიქო - სოციალური მხარდაჭერა კონფლიქტის შედეგად დაზარალებული ბავშვებისთვის " (Save the Children/ECHO) ბენეფიციარებისთვის დაბა ბაკურიანში გასვლითი რეკრეაციული აქტივობა და ტრენინგები მოაწყო, რომელიც ორ ეტაპად ჩატარდა. პირველ ეტაპზე ტრენინგების საშუალებით ბავშვთა უფლებები, მეორეზე კი, ჟურნალისტიკის საფუძვლები და პროფესიული უნარ-ჩვევები შეისწავლეს. ორივე ეტაპი, როგორც სატრენინგო თემებით, ისე მხიარული აქტივობებით და შემეცნებითი ვიქტორინებით საკმაოდ დატვირთული იყო. |
| | საზოგადოება „ბილიკი" გაცნობებთ
| 
| 2009 წლის 10 მაისიდან პროექტის „რესურს ცენტრი გორელი დევნილილებისთვის" (დონორი ორგანიზაცია - ღია საზოგადოება საქართველო") ფუნქციონირებას იწყებს რესურს ცენტრი 14-18 წლის დევნილი ახალგაზრდებისთვის (გორი, მშვიდობის 12, კულტურის და ტურიზმის ცენტრი). რესურს ცენტრი იმუშავებს შემდეგი მიმართულებებით. |
| | საზოგადოება „ბილიკს" ბავშვთა გლობალური ფონდის ეწვია
| 
| 2009 წლის 23 თებერვალს საზოგადოება „ბილიკს" ბავშვთა გლობალური ფონდის, ცენტრალური და აღმოსავლეთ ევროპის პროგრამების ოფიცერი, ლისა ფიალა ეწვია. სტუმრობის მიზანი ორგანიზაციის დათვალიერება, მისი მუშაობის გაცნობა და აქ არსებული ბავშვთა კლუბების წევრებთან შეხვედრა იყო. როგორც ლისა ფიალამ აღნიშნა იგი ამ ვიზიტით კმაყოფილი დარჩა: „ორგანიზაცია აკეთებს სწორედ იმას, რაშიც ბავშვთა გლობალური ფონდი ფულს იხდის, დავინახე, რომ აქ ბავშვების აზრს დიდ ყურადღებას აქცევენ, ასწავლიან დამოუკიდებლად ცხოვრებას, უყალიბებენ სხვადასხვა უნარ-ჩვევებს, გირჩევთ, რომ ასე გააგრძელოთ, წარმატებებს გისურვებთ მომავალშიც." ვრცლად... |
| | საზოგადოება „ბილიკი" აცხადებს მოხალისეთა მიღებას
|
| საზოგადოება „ბილიკი" აცხადებს მოხალისეთა მიღებას შემდეგ თანამდებობებზე: დაინტერესებულმა პირებმა გთხოვთ შეავსოთ სააპლიკაციო ფორმა და წარმოადგინოთ CV/ რეზიუმე. მისამართზე: ქ.გორი, რუსთაველის ქუჩა №19ა. დამატებითი ინფორმაციისთვის დაგვიკავშირდით ტელ.: 8(270) 7-54-10 განაცხადის შემოტანის ბოლო ვადაა 2009 წლის 7 მარტი. |
| | | 
| საზოგადოება „ბილიკი" უკვე დიდი ხანია მუშაობს ბავშვთა პრობლემებზე, წლიდან წლამდე ჩვენი აქმიანობა ფართოვდება, გარდა იმისა, რომ ჩვენ ადგილზე ვუწევთ ბავშვებს დახმარებას, ასევე ვცდილობთ შევეხოთ ყველა იმ სფეროს, სადაც ბავშვი უმეტეს დროს ატარებს. წლების მანძილზე ბავშვებთან და ოჯახებთან ურთიერთობისას დაგროვდა ვრცელი ინფორმაცია და შესაბამისი გამოცდილება. რათა მოვახდინოთ ამ გამოცდილების გაზიარება, შევქმენით სპეციალური ტრენინგ - ცენტრი პედაგოგებისა, მოზარდებისა და მშობლებისთვის. სკოლამდელი დაწესებულებების პედაგოგებს საზოგადოება „ბილიკის" ტრენინგ - ცენტრი გთავაზობთ ტრენინგს ვრცლად... |
| | საზოგადოება „ბილიკი" გიწვევთ მონაწილეობის მისაღებად პროექტში „მოზარდი და საზოგადოება"
| 
| პროექტის „მოზარდი და მომავალი ცხოვრება" მიზანია მოზარდების სამოქალაქო და არაფორმალური მხარდაჭერა, ლიდერობის, აქტიური მოქალაქეობის უნარების უნარების ჩამოყალიბება. ვრცლად... |
| | საზოგადოება „ბილიკი" გიწვევთ მონაწილეობის მისაღებად პროექტში „მოზარდი და საზოგადოება"
| 
| საზოგადოება „ბილიკი" ახორციელებს პროექტს „მოზარდი და საზოგადოება" („ბავშვთა გლობალური ფონდი"), რომლის ფარგლებშიც აცხადებს მოზარდების მიღებას შემდეგ კლუბებში: ბავშვთა უფლებების კლუბი ეკოლოგიის კლუბი სადისკუსიო კლუბი
კლუბების მუშაობის მიზანია უზრუნველყოფილ იქნას გორის მოზარდების გააქტიურება და სამოქალაქო განვითარების მხარდაჭერა. ვრცლად... |
| | | 
| საზოგადოება "ბილიკი" იწყებს ერთწუთიანი ფილმების ფესტივალს „სამყარო შენი თვალით," რომლის ფარგლებშიც აცხადებს სცენარების კონკურსს ერთწუთიანი ფილმებისთვის. ვრცლად... |
| | ნინო ფისაძე საზოგადოება „ბილიკში"
| 
| 16 დეკემბერს ჟურნალისტიკის სტუდიის მიწვწვით „ბილიკს" პირველი არხის გორის კორესპონდენტი, ნინო ფისაძე ესტუმრა. სტუმრობის მიზანი ჟურნალისტიკის კლუბის საქმიანობის გაცნობა და ახალგაზრდებისთვის პროფესიული გამოცდილების გაზიარება იყო. შეხვედრა საკმაოდ დიდხანს გაგრძელდა და ძალიან საინტერესოდ წარიმართა. ნინო ფისაძემ და „ბილიკელებმა " ისაუბრეს ჟურნალისტურ ეთიკაზე, პროფესიონალიზმზე... სტუმარმა თავისი პირველი ნაბიჯებიც გაიხსენა ჟურნალისტიკაში და პროფესიონალად ჩამოყალიბებისთვის ახალგაზრდებს არაერთი რჩევაც მისცა. აღსანიშნავია, რომ ნინო ფისაძე მხოლოდ რჩევებით არ შემოიფარგლა და მომავალი თვიდან „ბილიკელ ჟურნალისტებს" მასათნ ერთად გადაღებებზე სიარული შესთავაზა. ვრცლად... |
| | | 
| 19 ნოემბერს საზოგადოება „ბილიკში" ჩატარდა დისკუსია თემაზე - არ დავუშვათ ძალადობა, რომელიც მიეძღვნა მსოფლიო დღეს ბავშვზე ძალადობის წინააღმდეგ. დისკუსიის ორგანიზატორებმა - „ბილიკელმა" ახალგაზრდებმა და სტუმრად მოწვეულმა სხვადასხვა სფეროს წარმომადგენლებმა, ძალადობის ფორმებზე, მისი წარმოშობის მიზეზებზე და თავიდან აცილების გზებზე ისაუბრეს. აგრეთვე, მოეწყო ძალადობის წინააღმდეგ მიმართული თავისუფალი თემების და მხატვრული ნამუშევრების გამოფენა, რომელთაგანაც საუკეთესო სლოგანების და ნახატების გამოყენებით კალენდარი გაკეთდება. ვრცლად... |
| | ბავშვთა უფლებათა ვიზუალიზაცია
| 
| "Excellent" - ეს სიტყვა საზოგადოება „ბილიკის" ტრენინგ-დარბაზში 25-დან 29 ოქტომბრის ჩათვლით ყველაზე ხშირად ისმოდა. პროექტს, რომელიც საზოგადოება „ბილიკის" და გაეროს ბავშვთა ფონდის UNICEF საქართველის თანამშრომლობით განხორციელდა, „ბავშვთა უფლებათა ვიზუალიზაცია" ერქვა და მოიცავდა სემინარებს ფოტოხელოვნების შესახებ. სემინარებს ცნობილი იტალიელი ფოტოგრაფი, ჯაკომო პიროცი ატარებდა და ყველანაირად ცდილობდა ჩვენთვის მაქსიმალური ცოდნა გადმოეცა. ვრცლად... |
| | | 
| 23 ოქტომბერს „ბილიკის" აღსაზრდელებმა მუსიკალური სპექტაკლი წარმოადგინეს. ღონისძიებას ესწრებოდნენ ის ბავშვები, რომლებმაც მონაწილეობა მიიღეს პროექტში სახელწოდებით „დავეხმაროთ ომის შედეგად დაზარალებულ ბავშვებს". პროექტი, რომელიც 30 დაზარალებული ბავშვისთვის ფსიქოლოგიური ტრენინგ-პროგრამის ჩატარებას ისახავდა მიზნად, საქართველოში „ქალთა ფონდის" დაფინანსებით განხორციელლდა. ფონდის ხელმძღვანელმა ნანა ფანცულაიამ, რომელიც ღონისძიებას ესწრებოდა, კმაყოფილება გამოთქვა „ბილიკის" მუშაობასთან დაკავირებით: „არაჩვეულებრივი დღეა, ბავშვების მიერ ნაჩვენები კონცერტიც მომეწონა, შესანიშნავად მუშაობს ორგანიზაცია, ძალიან კმაყოფილი ვარ ამ დღით, რადგან ვხედავ რომ ბავშვებს უხარიათ, დღეს კი მთავარი ესაა..." ვრცლად... |
| | საგრანტო კონკურსი )
| 
| საზოგადოება „ბილიკი'' გასცემს 250 ამერიკულ დოლარს პროექტებისათვის, რომლებსაც მოამზადებენ და განახორციელებენ მოსწავლეები შემდეგ სფეროში; • კონფლიკტის შედეგად დაზარალებულ ბავშვთა მხარდაჭერა
• კულტურული მემკვიდრეობის პოპულარიზაცია ახაგაზრდებს შორის
• ცხოვრების ჯანსაღი წესის პოპულარიზაცია
• კულურულ-საგანმანათლებლო ღონისძიებები სკოლებში. საგრანტო თანხა გამოყოფილია ამერიკის ბავშვთა გლობალური ფონდის (Global Fund for Children) მიერ „მოზარდი და მომავალი ცხოვრება'' პროექტის ფარგლებში. ვრცლად... |
| | | 
| I-Relief კოალიციაა, რომელიც სამ ორგანიზაციას აერთიანებს. ესენია: Brit Olam, Kibutz Movement და „ექიმები საზღვრებს გარეშე". კოალიციის მიზანია იმ ადამიანების დახმარება, რომელთაც კრიზისული სიტუაციების გადალახვა მოუწიათ ან კატასტროფა გადაიტანეს. საქართველო ორგანიზაციის ერთ-ერთ სამიზნე ქვეყანას წარმოადგენს. I-Relief გორში ფუნქციონირებდა 2 თვის განმავლობაში, მუშაობდა კარვების ქალაქში მცხოვრებ მოსახლეობასთან და უწევდა მათ ფსიქოლოგიურ დახმარებას. I-Releif თანამშრომლები ასრულებდნენ სოციალური მუშაკებისა და მასწავლებლების ფუნქციებს, მუშაობდნენ ქალებთან, ბავშვებთან და მოზარდებთან მოხალისეობრივ საწყისებზე, სრულიად უსასყიდლოდ. მათივე განცხადებით, ქართველ ხალხთან მუშაობა დიდ გმოცდილებას სძენდა თითოეულ მათგანს, რადგან ქართველები გასაოცარი ადამიანები აღმოჩნდნენ - თბილი, გულისხმიერი და სტუმართმოყვარე. კოალიციის წარმომადგენლები მზად არიან დიდი სიხარულით განაგრძონ თანამშრომლობა ქართველ ხალხთან. ვრცლად... |
| | | 
| მიმდინარე წლის 2-8 ოქტომბერს ბათუმის მერიის მხარდაჭერით საზოგადოება „ბილიკმა" განახორციელა პროექტი „გორელი ბავშვების ფსიქოლოგიური და არაფორმალური საგანმანათლებლო მხადრდაჭერა კონფლიქტის შემდგომ." პროექტი ითვალისწინებდა მოზარდების ფსიქო-სოციალურ დახმარებას, ინტეგრაციას ბათუმელ მოზარდებთან - ერთობლივი ექსკურსიებისა და ღონისძიებების მოწყობას და კლუბების ლიდერების მიერ თანატოლებისათვის ტრენინგების ჩატარებას. ვრცლად... |
| | | 
| ყველასათვის კარგადაა ცნობილი საქართველოში, კერძოდ კი სამაჩაბლოში განვითარებული ბოლო დროინდელი მოვლენები და ასევე მისი შედეგები. არც ის უნდა იყოს სიახლე რომ დევნილი ბავშვები განსაკუთრებულ ყურადღებას იმსახურებენ. ისინი საკმაოდ კარგად აცნობიერებენ თავს დატეხილ პრობლემებს და უსაფრთხო მომავალს ეჭვის თვალით უყურებენ. დროებით თავშესაფრებში შესახლებული პატარები აქტუალურს ხდიან ომის თემას, როგორც თამაშის ისე, საუბრის მომენტში. და რაოდენ სამწუხაროც არ უნდა იყოს, მათ ახასიათებთ მარტოობის, სიბნელის, ხმაურის შიში; ჩაკეტილები არიან საკუთარ თავში და ხშირად უმიზეზოდ ტირიან; ასევე სძინავთ კოშმარული ძილით და განიცდიან ყურადღების ნაკლებობას მშობლებისგან. ერთი სიტყვით მათი ფსიქიკა სერიოზულ კრიზისს განიცდის .ვრცლად... |
| | „ქალთა საინფორმაციო ცენტრი"
| 
| არასამთავრობო ორგანიზაცია „ქალთა საინფორმაციო ცენტრის" ინიციატივით 15 ივლისიდან 10 აგვისტოს ჩათვლით თელავში ბავშვთა ინტეგრირებული ბანაკი მოეწყო. ბანაკი ორ ნაკადად გაიმართა. თითოეულ ნაკადში მონაწილეობა მიიღო 20 ბავშვმა.
ვრცლად... |
| | ჩვენი საზაფხულო არდადეგები
| 
| საზოგადოება „ბილიკი" ყოველწლიურად აწყობს საზაფხულო ბანაკს სხვადასხვა საკურორტო ადგილებში, სადაც დასვენების პარალელურად იმართება ტრენინგ-პროგრამა.
ბანაკის განხორციელების ადგილად წელს დაბა ურეკის სასტუმრო „კოლხიდა" შეირჩა, რომელიც იდეალური ადგილი აღმოჩნდა ერთდროულად სწავლის, გართობის და დასვენებისთვის.
12 დღიანი ტრენინგ-პროგრამა (პროექტი „ახალი ცხოვრების დასაწყისი" Save the Children/USAID) მოიცავდა როგორც არაფორმალური განათლების მიღებას, აგრეთვე სხვადასხვა კულტურულ და სპორტულ ღონისძიებებს.
საზაფხულო ბანაკში მონაწილეობა მიიღეს ცენტრების „ბილიკის" და „სხივის" 30 მოზარდმა (მ.შ 3 გოგონა ლიდერთა ქსელის და სადისკუსიო კლუბის ხელმძღვანელები).
ვრცლად... |
| | საზოგადოება ,,ბილიკის" მაღაზიის მარკეტინგული გეგმის პრეზენტაცია
| 
| 2008წ 30 მაისს, გორის უნივერსიტეტში საზოგადოება „ბილიკის" მაღაზიის მარკეტინგული გეგმის პრეზენტაცია მოეწყო. პროექტი გორის უნივერსიტეტისა და მშვიდობის კორპუსის ერთობლივი ძალისხმევით განხორციელდა და გულისხმობდა გორის უნივერსიტეტის ბაკალავრებისა და მაგისტრანტებისთვის 3 თვიან ტრენინგებს ტურიზმის მარკეტინგსა და მენეჯმენტში, ასევე სტაჟირების პროგრამას გორში არსებულ 5 სხვადასხვა ორგანიზაციაში, მათ შორის საზოგადოება „ბილიკში". პროექტის მიზანი იყო სტუდენტების აღჭურვა ახალი ცოდნითა და უნარ-ჩვევებით, გორში არსებული ორგანიზაციების მხარდაჭერა და, საერთო ჯამში, ტურმიზმის განვითარება შიდა ქართლში. ვრცლად... |
| | ბავშვთა დაცვის საერთაშორისო დღისადმი მიძღვნილი კვირეული საზოგადოება „ბილიკში"
| 
| საზოგადოება „ბილიკში" ბავშვთა დაცვის საერთაშორისო დღისადმი მიძღვნილი ღონისძიებები მთელი კვირის მანძილზე დაიგეგმა. 28 მაისს ორგანიზაციის ბენეფიციარების მიერ წარმოიდგენილი იქნა საბავშვო მწერლის მზია ხეთაგურის პიესის „ხეტიალას" ინსცენირება. პატარებმა თავიანთი საყვარელი პიესა ბავშვთა დაცვის საერთაშორისო დღეს მიუძღვნეს. სპექტაკლზე ადგილობრივი სამთავრობო, არასამთავრობო სტრუქტურების და მედიის წარმომადგენლები იყვნენ მოწვეულნი. სპექტაკლის ბოლოს კი ბავშვებმა ერთად იზეიმეს მაისში დაბადებული მეგობრების დაბადების დღე და სადღესასწაულო ტორტი ყველამ ერთად ჩააქრო. მეორე დღეს „ბილიკის" ბენეფიციარებისთვის ზედაზენზე მოეწყო ექსკურსია. ვრცლად... |
| | | 
| ერთწუთიანი ფილმების კონკურსში ,,სამყარო შენი თვალით" შერჩეული საუკეთესო სცენარების ავტორებმა 8-11 მაისს ბაკურიანში ტრენინგი გაიარეს. საზოგადოება ,,ბილიკის" და ,,ბავშვთა გლობალური ფონდის" მხარდაჭერით ორგანიზებული 3 დღიანი კურსის განმავლობაში ბავშვებმა შეისწავლეს სცენარების წერისა და ვიდეო გადაღების ტექნიკა, მონტაჟი, იმუშავეს სცენარებზე, რომლებზეც ისინი ერთწუთიან ფილემებს გადაიღებენ. ვრცლად... |
| | | 
| 22 აპრილს, დედამიწის დღის აღსანიშნავად საზოგადოება ,,ბილიკის" ორგანიზებით აქცია მოეწყო, სადაც ორგანიზაციის ყველა კლუბი იღებდა მონაწილეობას. აქციის მონაწილეებმა გორი ციხის მიმდებარე ტერიტორია საყოფაცხოვრებო ნარჩენებისაგან გაასუფთავეს და სხვადასხვა ნარგავები დარგეს. ვრცლად... |
| | | 
| ,,გვიყვარხართ"- ასეთი იყო საზოგადოება ,,ბილიკის" ჟურნალისტიკის კლუბის მიერ ორგანიზებული აქციის მთავარი გზავნილი, რომელიც 15 აპრილს, სიყვარულის დღეს მოეწყო. სიყვარული ,,ბილიკის" ბენეფიციარებმა ქუჩაში გამვლელი შეყვარებული წყვილებისათვის და უბრალო გამვლელებისათვის ლამაზად შეფუთული შოკოლადებით გამოხატეს. ვრცლად... |
| | სტუმრად გადაცემა ,,კედელში"
| 
| 2 აპრილს საზოგადოება ,,ბილკის" ჟურნალისტიკის სტუდიის წევრები ახალგაზრდულ თოქ- შოუ ,,კედელს" ეწვივნენ. მათ მონაწილეობა მიიღეს ორი გადაცემის ჩაწერაში, რომელთაგან ერთი მუსიკალურ კონკურსებს ეხებოდა, მეორე კი ნარკომანიის თემას. ვრცლად... |
| | კრიტიკული სიტუაციების მართვა ,,ბილიკშიც" შეუძლიათ
| 
| მიგრაციის საერთაშორისო ორგანიზაციის "დასაქმებაზე კონსულტაციისა და მიმართვის ცენტრი" და საზოგადოება „ბილიკი" გთავაზობთ ერთობლივ ინიციატივას. ვრცლად... |
| | ,,ბილიკი" ბენეფიციარი მშობლების განვითარებაზე ზრუნავს
| 
| ,,როგორ დავიწყოთ მცირე ბიზნესი" - ამ სახელწოდებით საზოგადოება ,,ბილიკში" 2-5 აპრილს ტრენინგები ჩატარდა. ოთხ დღიანი კურსი ორგანიზაციის ბენეფიციარი მშობლებისათვის მომზადდა და მოიცავდა ბევრ სასარგებლო ინფორმაცის მცირე ბიზნესისი დასაწყებად საჭირო პროცედურების, ბიზნეს გეგმის შემუშავების, საქართველოს კანონმდებლობით გათვალისწინებული გადასახადებისა და საბანკო სესხის აღებასთან დაკავშირებით; ასევე ზოგად თეორიულ ცოდნას მენეჯმენტისა და მარკეტინგის უმარტივესი ხერხებისა და ბიზნესის სახეების შესახებ. ტრენინგში საზოგადოება ,,ბილიკის" რვა ბენეფიციარი მშობელი იღებდა მონაწილეობას. ვრცლად... |
| | ერთწუთიანი ფილმების ფესტივალი
|
| ,,სამყარო შენი თვალით" - გიოცნებიათ რეჟისორობაზე?
- გინდათ, გამოხატოთ თქვენი იდეები ერთწუთიანი ფილმის საშუალებით?
- გსურთ, მონაწილეობა მიიღოთ ერთწუთიანი ფილმების ფესტივალში?
საზოგადოება ,,ბილიკი" გაძლევთ შანსს, თავად შექმნათ მოკლემეტრაჟიანი ფილმი თქვენთვის აქტუალურ თემებზე. ვრცლად... |
| | ინფორმაცია მოხალისეობის პროგრამის შესახებ
| 
| საზოგადოება „ბილიკი" აცხადებს მოხალისეების მიღებას - საგანმანათლებლო სტუდიაში
- ჟურნალისტიკის სტუდიაში
- სოციალურ სამსახურში
- ფსიქოლოგიურ სამსახურში/ტრენინგ-ცენტრში
- ბავშვთა უფლებათა და სადისკუსიო კლუბებში
საზოგადოება „ბილიკი" 2006 წლიდან წარმატებით ახორციელებს მოხალისეობის პროგრამას. პროგრამის მიზნებია: ორგანიზაციაში შეიქმნას მოტივირებული და კვალიფიციურ მოხალისეთა ბაზა მოხდეს ახალი პროგრამების მხარდაჭერა და ახალგაზრდების მიერ შეტანილი წვლილით „ბილიკის" პროგრამული სისტემის გამდიდრება სტუდენტებისთვის სამუსაო გამოცდილების შეთავაზება მოხალისეობის დანერგვა საქართველოში ვრცლად... |
| | | 
| დედის დღე საზოგადოება ,,ბილიკში" მყუდრო და სასიამოვნო ატმოსფეროში აღინიშნა. 3 მარტს ბილიკელებმა რამოდენიმე ღონისძიება დაამთხვიეს.
ჯერ იყო მინი კონცერტი, რომელშიც ბილიკის ბენეფიციარები იღებდნენ მონაწილეობას. ერთმანეთს ენაცვლებოდა დედისადმი მიძღვნილი ლექსები და სიმღერები. უცხო არავინ იყო და პატარები იმპროვიზაციასაც მიმართავდნენ. ყველას უნდოდა, დედისათვის ეს დღე მიელოცა და იქ დამსწრე მშობლები გაეხარებინა.
კონცერტის ბოლოს ,,ბილიკის" მოხალისეების დაჯილდოვება გაიმართა. ოთხ თვიანი მოხალისეობრივი პროგრამა, რომელიც ნოემრიდან დაიწყო, 7 მოხალისემ წარმატებით დაასრულა. მათ შესაბამისი სერთიფიკატები და რეკომენდაციები გადაეცათ. ,,ბილიკის" აღმასრულებელმა დირექტორმა მარიკა მღებრიშვილმა კარიერაში მათი პირველი ნაბიჯები დადებითად შეაფასა და წარმატება უსურვა მომავალ საქმიანობაში. ვრცლად... |
| | ,,არჩევნობანა" ანუ მე მიყვარს ჩემი მასწავლებელი
| 
| 1 თებერვალს ,,ბილიკში" მასწავლებლების არჩევნები ჩატარდა, რომელშიც ორგანიზაციის ბენეფიციარები იღებდნენ მონაწილეობას. ერთი შეხედვით ბავშვებისათვის სახალისო პროცედურას მნიშვნელოვანი მიზეზი ჰქონდა. ბავშვებს ,,არჩევნობანას" თამაშით უსაყვარლესი პედაგოგი უნდა გამოევლინათ. ვრცლად... |
| | გამარჯვებული პროექტები )
|
| 1 თებერვალს საზოგადოება ,,ბილიკში" საგრანტო კონკურსის გამარჯვებული ოთხი პროექტი გამოვლინდა. გამარჯვებულები გახდნენე შემდეგი სკოლები: ვრცლად... |
| | საახალწლო სურვილები ნამდვილად სრულდება
| 
| ბევრი მადლიერი სახე, პატარების სიხარულისაგან ანთებული თვალები და სასიამოვნო მოლოდინი, რამაც წინასაახალწლო დღეს VTB ბანკის გორის ფილიალის ძველი, მაგრამ ახლებური ევრო-იერის მისაღები მოიცვა. ნაძვის ხის ირგვლივ თავმოყრილი საახალწლო საჩუქრები საზოგადოება ,,ბილიკის" 70 ბენეფიციარისათვის იყო განკუთვნლი, თუმცა არჩევანი თითოეული ბავშვისათვის ინდივიდუალური და განსაკუთრებული იყო. ვრცლად... |
| | ვიცოდეთ და დავიცვათ ჩვენი უფლებები
| 
| საზოგადოება ,,ბილიკის" ბავშვთა უფლებათა დაცვის კლუბის წევრებმა 20 დეკემბერს სოფელ ნიქოზის საჯარო სკოლის უფროსი ასაკის მოსწავლეებისათვის შეხვედრა მოაწყვეს. მათი მიზანი თანატოლებისათვის ბავშვთა უფლებათა კონვენციის გაცნობა, მათი უფლებების დაცვის საკითხების პოპულარიზაცია და ამ მხრივ რაიონის საჯარო სკოლებში ცოდნის ამაღლება იყო. ტრენინგი ბავშვთა უფლებათა კლუბის ხელმძღვანელმა ნიკა სამადალაშვილმა, თაკო ჩუტკერაშვილმა და საზოგადოება ,,ბილიკის" მოხალისემ თამუნა მჭედლიძემ ჩაატარა. ვრცლად... |
| | ტრენინგი ,,ბილიკის" ახალგაზრდა ლიდერებისათვის
| 
| 5-9 დეკემბერს საზოგადოება ,,ბილიკის" ლიდერეთა ქსელის 14 წევრისათვის დაბა ბაკურიანში ხუთდღიანი ტრენინგი ჩატარდა. ეს ტრენინგ-კურსი ,,ბავშვთა გლობალური ფონდის" მხარდაჭერით ,,ბილიკმა" უკვე მესამედ განახორციელა, პროექტის ,,ბავშვები და მომავალი ცხოვრების" ფარგლებში. ვრცლად... |
| | |
| საზოგადოება „ბილიკი" გასცემს 200 ამერიკულ დოლარს პროექტებისთვის, რომლებსაც მოამზადებენ და განახორციელებენ მოსწავლეები შემდეგ სფეროებში: - ეთნიკური უმცირესობების ინტეგრაცია
- გარემოს დაცვა და დასუფთავება
- კულტურული მემკვიდრეობის პოპულარიზაცია ახალგაზრდებს შორის
- ცხოვრების ჯანსაღი წესის პოპულარიზაცია
- კულტურულ-საგანმანათლებლო ღონისძიებები სკოლებში.
საგრანტო თანხა გამოყოფილია ბავშთა გლობალური ფონდის (Global Fund for Children) მიერ „ბავშვები და მომავალი ცხოვრება" პროექტის ფარგლებში. ვრცლად... |
| | ხეტიალა ,,ბილიკის" სცენაზე
| 
| აღმა-დაღმა თმაქოჩორა ხეტიალა ,,ბილიკის " პატარა სცენაზეც შემოხეტიალდა და თავისი ავტორიც მოიყვანა სტუმრად. საზოგადოება ,,ბილიკის" პატარა აღსაზრდელაბმა 29 ნოემბერს პოეტს, დრამატურგს, პუბლიცისტსა და ბავშვების საყვარელ მეზღაპრეს მზია ხეთაგურს უმასპინძლეს. ვრცლად... |
| | | 
| 17 ნომბერს საზოგადოება ,,ბილიკში" ჩატარდა დისკუსია თემაზე, ,,არ დავუშვათ ძალადობა". დისკუსია ეძღვნებოდა მსოფლიო დღეს ბავშვებზე ძალადობის წინააღმდეგ, რომელიც აღინიშნება ყოველი წლის 19 ნოემბერს, ბავშვთა დაცვის საერთაშორისო დღესთან, 20 ნოემბერთან ერთად. ვრცლად... |
| | ლიდერები სტუმრად ლიდერებთან
| 
| 30 ოქტომერს საზოგადოება ,,ბილიკს" და მის აქტიურ ახალგაზრდებს ორგანიზაცია ,,ახალგაზრდული რესპუბლიკური ინსტიტუტი" ეწვია. მათი სტუმრობის მიზანი სერთიფიკატების გადაცემა იყო იმ ბავშვებისათვის, რომლებმაც 2007 წლის 15 მაისიდან 15 ივლისამდე მონაწილეობა მიიღეს ,,ახალგაზრდული რესპუბლიკური ინსტიტუტის" მიერ განხორციელებულ პროექტში ,,ლიდერობის პროგრამა-ახალგაზრდა ლიდერებისათვის". ვრცლად... |
| | საქართველო ყველასათვის - ყველა საქართველოსათვის
| 
| 15 ოქტომბერს საზოგადოება ,,ბილიკში" სტუმრიანობა იყო. საერთო სამოქალაქო მოძრაობა ,,მრავალეროვანი საქართველოს" ქალთა დეპარტამენტის ორგანიზებით, პროექტ ,,კეშერისა" და ,,ჰილელ-თბილისის" დახმარებით, აქცია მოეწყო. მათ შესანიშნავი საჩუქარი გაუკეთეს საზოგადოება ,,ბილიკის" ხელსაქმის სტუდიას, გადასცეს საქსოვი და საქარგი ძაფები, ბისერები და სხვა მასალები, ბიბლიოთეკა კი რამოდენიმე ათეული წიგნით გაამდიდრეს. ვრცლად... |
| | გავერთიანდეთ მშვიდობიანი მომავლისათვის
| 
| 21სექტემბერს, საერთაშორისო მშვიდობის დღის აღსანიშნავად, სამაჩაბლოსა და აფხაზეთში დაღუპულთა მემორიალთან აქცია მოეწყო. გლობალური ომებისა და ძალადობის წინააღმდეგ მიმართული ღონისძიება, ქსელის ,,ქალთა ერთობა მშვიდობისათვის" ინიციატივითა და საზოგადოება ,,ბილიკის" მხარდაჭერით, უკვე მესამედ გაიმართა გორში. აქციის დაწყებამდე დარიგდა ბიულეტენები ქსელის საქმიანობის შესახებ. მონაწილეებმა წუთიერი დუმილით პატივი მიაგეს კონფლიქტების შედეგად დაღუპულ ადამიანებს და ყვავილებით შეამკეს გარდაცვლილ მებრძოლთა მემორიალი. აქციის შემდეგ, მონაწილენი სამების ტაძარში გაემართნენ, სადაც დაღუპულთა სულის მოსახსენებლად სანთლები დაანთეს. ვრცლად... |
| | კრიტიკული სიტუაციების მართვა ,,ბილიკშიც" შეუძლიათ
| 
| 29-30 აგვისტოს საზოგადოება ,,ბილიკის" თანამშრომლებმა გაიარეს ტრიენინგი ,,გადაუდებელი სამედიცინო დახმარება ჰოსპიტალიზაციამდელ ეტაპზე". უბედური შემთხვევებისაგან არავინ არის დაზღვეული. ,,ბილიკელებს" კი ბავშვების დიდ რაოდენობასთან უხდებათ მუშაობა, ამიტომ მსგავსი ტრეინინგები ორგანიზაციის საქმიანობაში ძალიან გამოსადეგია. ვრცლად... |
| | | 
| 10 წლის იუბილე ორგანიზაციას მრავალმა ბენეფიციარმა, ორგანიზაციამ, მშობელმა, სამთავრობო და არასამთავრობო სტრუქტურის წარმომადგენელმა მიულოცა. თავად „ბილიკელებმა" იუბილე საზეიმო კვირეულით აღნიშნეს. http://gfcontheroad.org/?q=node/127  ვრცლად... |
| | | 
| „ბილიკის“ ლიდერთა ქსელის წევრები უკვე რამდენიმე თვეა, რაც საპარლამენტო დებატის ტექნიკას ეუფლებიან და აწყობენ დებატებს სხვადასვა აქტუალურ თემებზე. 12 აპრილს, ხაშურის საჯარო სკოლების თვითმმართველობის წარმომადგენლების მიწვევით, ლიდერთა ქსელის წევრები ხაშურის მე-6 საჯარო სკოლაში იმყოფებოდნენ. მათი სტუმრობის მიზანს წარმოადგენდა, მასპინძლებისთვის დებატების ტექნიკა ესწავლებინათ. ლიდერთა ქსელის ხელმძღვანელმა კახაბერ გორდაძემ დაწვრილებით ახსნა დებატის წარმართვის ტექნიკა. თვითმმართველობის წევრებისთვის ყოველივე რომ უფრო ნათელი გამხდარიყო, ლიდერთა ქსელის წევრებმა საჩვენებელი დებატი დადგეს, თემად კი დღეისათვის აქტუალური საკითხი აირჩიეს - „სისხლის სამართლებრივი პასუხისმგებლობა 12 წლიდან.“ საკითხი საინტერესო იყო და ბავშვებიც დიდი ინტერესით ჩაერთვნენ დებატებში. ვრცლად... |
| | საქმიანი ვიზიტი Snow Party - ით დამთავრდა
| 
| ამჯერად, 23 იანვარს ლიდერთა ქსელი ჟურნალისტიკის ჯგუფთან ერთად გორის რაიონის სოფელ ნიქოზის საჯარო სკოლას ესტუმრა. მათ მიერ ჩატერებუი ტრენინგი ძირითადად სიცოცხლის უფლებას ეხებოდა. მიუხედავად იმისა, რომ იქ დამსწრე ჩვენი თანატოლების უმეტესობას ბიჭები შეადგენდნენ, მოცემულ კაზუსებში დიდი ენთუზიაზმით ჩაერთვნენ და საკმაოდ საინტერესო ტრენინგი გამოვიდა. ვრცლად... |
| | სტუმრად „ჩვენი ექსპრესის" სტუდიაში
| 
| 24 იანვარს საზოგადოება „ბილიკის" ჟურნალისტიკის ჯგუფის წევრები „ჩვენ ექსპრესს" ეწვივნენ და დაათვალიერეს შენობა, უყურეს ხმის ჩაწერის პროცესს, გაიცნეს გადაცემის წამყვანები: ლევან ჯობავა, იგივე „ჯობა", ნათია მურუხიძე, ირაკლი ცანავა, მარიამ ყანჩაველი, იგივე „ყანჩო". ერთმანეთს გააცნეს მუშაობა, ისაუბრეს საკუთარი საქმიანობების შესახებ. აღმოჩნდა, რომ სტუდიაში ერთწუთიან ფილმებსაც იღებენ და მათმა ფილმმა ერთწუთიანი ფილმების ფესტივალზე გაიმარჯვა. ვრცლად... |
|
|
|
)
)
